لو كان الكلام اللى بتقروا دلوقتى دا هكتبه على ورقه فتقريبا هكون قبليها مقطع اكتر من عشرين ورقه وراميها عشان كل ما اكتب حاجه امسحها ، لاني حقيقي مش عارف ابدا منين .
كتير من الاحداث اللى بدور حواليا بتدينا شعور بالفرح أو بالحزن أو الغضب !! ؟؟
الغضب قالوا عن الغضب * إذا تمالكت أعصابك في لحظة غضب واحدة ، ستوفر على نفسك أياماً من الحزن والندم. * حين يغضب الإنسان ، فإنّه يفتح فمه ويغلق عقله ، انا شخص لما بغضب بحس ان عامل ذى الوحش الاخضر اللى بيدمر اي شئ ومش برتاح الا لو كل شئ مدمر
ايه اوجهه الغضب ؟ بالنسبالي الغضب يتمثل فى شئ واحد الاهمال المتعمد فحاجة انا بحبها ، انا شخصيا بحب بيتنا لكن الاوضه بتاعتي بكرها لذلك مش بهتم بترتبها او تنظفها اولا باول . لكن سيبكم بقا من البيت و اي حاجه تانيه انا عايزكم فى حاجة تانيه خالص
انا ممكن اغضب لما البنطلون الجينز بتاعي ميكنش مغسول كويس ، ممكن اغضب لما اكل والاكل يقع عالتشرت اللي لسه لابسه ، ممكن اغضب لما يتاخر عليا شخص .
لكن محبش حد يشوف غضبى لما اشوف اهمال وعدم احترام لعمل خيري ، بحس انى بتحول للوحش اللي ممكن يدمر اي شئ فقط في سبيل نجاح عمل خيري وليس فى نجاح اشخاص ، فنجاح الخير هو نجاح انت والاخرون ولكن نجاحك انت فهو لك وليس لغيرك ، وربما يختلف معي البعض او يوافقني البعض ولكن لسه مش هنا المشكلة .
اولا انا بعتذر انى بتكلم بالعاميه شويه وبالفصحا شويه عشان بكتب دلوقتى بعد مرور 28 ساعه بدون نوم تستغربوا لو قولتلكم ان دا بسبب الغضب اه مش كل الوقت بسبب غضبي لكن وقت منه كتير بسبب غضبي انا بكتب ليكم وانا غضبان حاسس لو حد قالي مالك ممكن انفجر ، بس دي مش حقيقه انا مش بعرف اتكلم بس بعرف اكتب فبكتب ليكم ونفسي صوتي يسمعه اشخاص كتير ، ياريت الاقي منكم الجواب اللى يرضينى او ع الاقل اللى اقدر اعمله .
احيانا مبقدرش اتحكم فى نفسي وبيبان عليا انى غضبان اوي ، تفتكروا دا صح ان الاخرين يشوفوا دا ؟
كتير جدا مش بقدر اتحكم في نفسي وقت غضبي فممكن صوتي يعلا ، او ممكن احرك ايدي كتير تفتكروا دا صح ؟
كتير جدا يولد لدي العند بسبب غضبي فربما اتمسك برائ واحيانا اتمسك بعدم اعتذار يحل امور كثيرة ، تفتكروا دا صح ؟
واخيرا اقولكم حاجه كده اتمني تعجبكم واتمني مش تأثر على اجابتكم...
أنا لست ملاكاً
فلي هفواتي الصغيرة.. ولي أخطائي المريرة.. ولي ذنوبي التي أرجو أن لا تكون كبيرة
أنا لست ملاكاً
فقد أحقد ولكني سرعان ما أنسى.. وقد أغار ولكني سرعان ما أبحث عن التعقل.. وقد أغتاظ ولكني سرعان ما أسعى وراء الرضا
أنا لست ملاكاً
فقد أظن بأحدهم سوءً ولكني أعود فأستغفر الله وأطلب الصفح والسماح والتمس العذر لتقصيري وتسرعي.. وقد أفهمه خطأ ولكني أبحث عن الحقيقة.. أو أتناسى ما حدث حتى أنساه بالفعل
أنا لست ملاكاً
فلي حماقاتي.. ولي جنوني.. ولي لحظاتي غير المعقولة وغير المقبولة.. ولي جوانب عدة قد لا أحبها وقد أحبها
أنا لست ملاكاً
فقد أعيش في زمن غير زمني.. وقد أتقمص شخصية ليست لي.. وقد أبحث عن شيء لا أملكه وأود بأن أملكه.. وقد أسعى إلى ما لا يجب أن أسعى إليه
أنا لست ملاكاً
قد لا أمتلك أجنحة بيضاء.. أو قلبا شديد البياض.. وقد يكون أبيض ولو قليلا.. وقد لا يكون شيئا غير السواد وأنا لا أدري
أنا لست ملاكاً
في سماء الرحمة والمحبة.. ويبعث الاطمئنان في نفس من حوله دائما.. وينشر السكينة والتوافق بين الصفوف.. أو يعزف بألحان الأخوة والتضحية دائما
أنا لست ملاكاً
ولكني لست شيطانا.. فأنا إنسان بسيط.. أقدر قيمة الاعتذار حينما يكون واجب.. وأقدر روعة التضحية إذا صار وقتها.. وأسعى لغرس معنى الخير في نفسي قبل نفوس من حولي.. وأمتلك قلبا يحمل بداخله الكثير من الحب
أنا إنسان
أعي بأن لي رب كريم رحيم عطوف
أنا إنسان
وأتمنى أن أكون ممن يملأ قلوبهم الإيمان دائماً وأبداً
