بسم الله الرحمن الرحيم
إرفع إيدك سلمله نفسك ---------------------------- إيه ياعم كريم أنت هتهزر ولا إيه؟؟ والله ياصحبى نفسى أهزر معاك طبعا ولى الشرف بس مقصدش أنا فعلا قصدى أقولك إرفع إيدك سلمله نفسك بمعنى : تسمحلى أدخل فى الموضوع على طول؟؟ متخش ياعم هو أنا حايشك بس خلصنا عايز تقول إيه؟؟ طيب طيب أنت حمش وعصبى ليه كده النهارده؟؟ ياصاحبى أستحملتنى فى أربع مقالات ليه بتزق ط الله وعموما ياسيدى حاضر صلى على حبيبك النبى ياقمر "صل الله عليه وسلم" تسمحلى أسألك وأحرجك وأقولك إشمعنى ؟؟ ومن غير ما أطول إشمعنى لما تليفونك يقف بتسلمه للتوكيل عشان يرجعه زى ما كان أسف ياصحبى مبيرجعلكش زى ماكان لكن بيحاول يصلحه إشمعنى لما بيجيلك إستدعى فى جيشك من غير ماتفكر بتسلم نفسك ، إشمعنى لما بتمرض ويجيلك شوية برد ولا مغص بتجرى على الدكتور وتسلمله نفسك، إشمعنى هه؟؟ سبحان الله "وخلق الإنسان ضعيفا" زى ماربنا قال بالظبط طب ليه ؟ طب ليه بقه ياصحبى لما الدنيا تتعبك وتكسرك وتخنئك وتبكيك مبترفعش إيدك ليه لله وتسلمله نفسك؟ تعال ياصحبى وبصراحه نحسبها مع بعض التليفون فى التوكيل ممكن ميتصلحش والإستدعاء فى الجيش مؤكد مبيريحش وأحيانا علاج الدكتور مبيخففش ومع ذلك ياجميل بتسلملهم نفسك طب بالله عليك مش كلامى ده صح؟؟ طب وربى اللى جمعنى بيك حاسس بيك ياصحبى بتقول صح ومفكرتش فى يوم تروح للى عمره ماكسر بنى آدم ولا بخاطر إنسان أكيد مكنتش شايف ياصحبى سبحان الملك عينك موجودة لكن مشفتش الله رغم النتيجة عنده محسومة ومفيهاش إعادة ولا دور تانى ده قالك "أدعونى أستجب لكم " ده قالك "إنى قريب أجيب" سبحانه جلا شأنه يجبرك وينصرك ويعليك ويسندك ويقويك ويشملك بعطفه وحنانه ويعطيك ويغنيك ويكفيك إيه ده ؟! إيه ده ؟! سامع فلبك بيبكى "الله" بيقول كفاية كفاية سلمت قلبى لله سلمت وندمت خلاص أنا فهمت فى الدنيا عشت وفى قبرى إرتحت وفى الجنة جريت وطيت على إيد النبى بوستها وبكيت وعلى ربى سلمت ، فهمت فهمت مش حسلمها لحد تانى غير الله فى اللحظه ديه بس ياصحبى أحب أقولك ( مبروووووووووووووووووووك عليك الله )
