من .................................. و إلى ..................................
( براحتكوا إنتوا بقى أملو النقط زى ما انتوا عايزين أنا معرفش ) و
أنا ناوى أجيب من الأخر من غير كده كتر كلام
ياحبيبي أنا مش قادر أدادى فى واحد تعبان
كل يوم ألاقيه بيجيني ويقولي أنا زعلان
ومطلع وياه عيني وخلاص مش طالبه جنان
لو ناوى تحب طب إخلص حبنى وبلاش تخنقنى
وبلاش تعيش وتقمص مش عاجبك إبعد سبنى
بصراحه مش شاري وبايع فبلاش بقى تخنق فيه
تستكى وهتعمل صايـع هاديك باللى فى رجليه
أصلا مش فارقه معايا إن كنت حزين قرفان
خليك كده ماشى ورايا علشان أفضل كسبان
لو مش حابب تسمعنى سد ودانك وخلاص
وأمدح فيا ودلعنى وأهتف بيا مع الناس
وكلامى لو مش عاجبك برده هو اللى هيحصل
ماهو أصل رأى سيادتك عمره ليا ما هيوصل
طيب وأعمل إيه تانى بحاول إن أنا أسعدكوا
ماتشات أفلام وأغانى وكلام فاضي بيشغلكوا
إباحيه ورقابه غايبه يتدمر فيها عقولكوا
وإنتوا فاكرنها دى سايبه لأ خطه عشان أبهدلكواااا
بصوا معايا وخدوا بالكوا علشان يرتاح بقى ضميرى
إنتوا اللى رضيتوا بحالكوا وطمعتوني أنا وغيرى
بعتوا أخلاقكوا وضمايركوا وساعدتوا معايا فى تدميرها
ومحدش قالكوا سيبوا دينكوا وابعدوا عن ربى اللى خالقها
المصدر: أحمد سعيد
نشرت فى 13 ديسمبر 2012
بواسطة MediaCharity
