الحرية إنك تقلع وتتدلع ,,,, واللبس عليك يفرقع ,,,, وتمشى وتتشخلع
وضحكة مايصه تتطرقع ,,,, واللى يكلمك قوله ماتولع .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
الحرية إنك تنفض للشرف ,,,, وتمسك فى الأرف,,,, تبوظ وتنحرف
ومافيش شىء ينحذف,,,, واللى يعمل غير كده هو اللى ينكسف .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
الحرية إنك تعمل دور السيس ,,,, وتقضيها تهييس ,,,, تسمع كلام إبليس
وتبقى راجل بييس ,,,, من الاخر يعنى إريل أو لا مؤاخذه تيس .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
الحرية إنك تسقط بنطلونات ,,,, ويبان بوكسر كروهات ,,,, سلسة وحظظات
وتقضيها معاكسات ,,,, وطبعا ده بيتسمى واد روش واد حركات .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
الحرية إنك تهين أبوك وأمك ,,,, ولسانك متبري منك ,,,, والكل بيبعد عنك
ومافيش حد بيحترمك ,,,, ويقولوا عليك فى الشله جامد وسابق سنك .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
الحرية إنك بنتك معروفه فى النادي ,,,, مع هانى ووائل وشادي ,,,, أصحاب واخوات ده عادى
وكمان ديه قايله لدادى ,,,, فمتقلقوش وقولوا هنسهر فين الليلادى .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
الحرية إنك تسيبك بقى من الناس ,,,, من اللى يموت واللى بينداس ,,,, ولازم تبقى عديم الاحساس
لا تتضعف للى بيعيط ولا المحتاس ,,,, روح يلا عيش حياتك دانت هاى كلاس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
الحرية إنك لو كنت فى يوم مظلوم ,,,, تسكت وتروح فى النوم ,,,, عشان يعدي اليوم
وترضي بالهموم ,,,, أصل اللى إتكلم قبلك فى طريقه للسلوم .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــ
الحرية إنك تتضايق أوى من الدين ,,,, وتعمل عاقل ورزين ,,,, وإن الناس مش فاهمين
ومافيش زيك إتنين ,,,, وتقول على نفسك إنك من المثقفين .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
الحرية إنك ترتشي وتقول بقشيش ,,,, تسرق علشان تعيش ,,,, تشرب على الصبح حشيش
ضمير لا مافيش ,,,, بجد ميه ميه غمض عينك يا شويش .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
الحرية إنك تنقل دم فسدان ,,,, تاكل لحمه بديدان ,,,, ومياه بمجارى كمان
وبلاوى تانيه جنان ,,,, علشان تكون مبسوط وسعيد أوى وفرحان .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
الحرية إنك افخر بالباطل غنيله ,,,, شوف المسؤل وادعيله ,,,, والحق سيبه يزيد ليله
والهلس يلا بقى ناديله ,,,, ده الحر هو اللى بيلعب بديله .
وبعد تفكير شديد ,,,,, لقيت صوت بينادي عليا
جي من سجن بعيد ,,,,, بيقولى يابنى أنا الحرية
قالتلى فيك الخير ياسعيد ,,,,, إنك لسه بتفكر فيا
ماتخفش هرجع من جديد ,,,,, وهكون بأصحاب الحق جايه
