يالذابح عزاز القلب كلي بعد المن جاي
انا الي سلبهه الشمر يهلال شعندك وياي
اختنك بالعبرة واون لمن يجي طاري الماي
سبطعش ونة تنحسب وانت الذي بي بلواي
اول سهم منك اجه طاح بدليل الاكبر
وتشبه محمد صورته وبالحومة يشبه حيدر
سهمك ذبح نحر النبي لمن علينة توذر
وام الولد آه الولد ظلت عليه تتحسر
ثاني سهم صاب القلب يعجز بياني يوصفه
جاسم الامة زفته وعلى الفرح متلهفة
صارت دمع صارتك حزن رسوم العرس والزفة
وشمعاته طفاهه الزمن ومات الولد يا وسفة
ثالث سهم مثل الضوة صاب الكفلني بعينه
عامود خيمتنه وكع من كطعوا جفينة
ورابع سهم سهم العطش طاح بجود اليروينة
لوما السهم ماجان ابد تموت بعطشها سكينة
خامس سهم هذا السهم ليوم الحشر ما انساه
من اذكره يشح الهوة اختنك واتنفس آه
بقلبي رسة وعمر الجرح ست اشهر وعشت وياه
عبدالله قطعوا منحرة ضامي وشرب من دماه
آخر سهم سادس سهم لا ما خطى بتسديدة
بنص قلب ابو اليمة وكع من ظهرة جرة بايدة
خلاه يطيح على الارض ما جنت عنه بعيدة
هنا والشمر فوقة كعد قبالي ويحز بوريدة
وانا من بعد المهابة كعدوني بالخرابة
