يا فاطمة تعاي جيبيلي يمة ماي
عطشان اخوي مات باجر سبي وراي
**
يمة يحبيبة تعالي انا زينب بنت علي
حسين خلاني وحيدة مات مذبوح الولي
وكافلي فوق الشريعة كسر ظهري كافلي
ولا بقة خيمة التلمني يمة حركوا محملي
وسكينة يم رباب نامن على التراب
متحيرة بالبنات باجر سبي وراي
**
رحت يم حسين وحدي امشي كوة وحايرة
عثر جدمي بجثة ابني عفته والمدمع جرة
وصلت يم حسين اخيي يمة بسته بمنحرة
وشفت يم جسمة ييمة ضلوع يمة مكسرة
من سلمت عليه حركلي بس اديه
راح امشي وي طغاة باجر سبي وراي
**
ما قدرت حسين احضنه بحضني خليت النحر
مكسرات ضلوعة كلهن يمة والجثة وذر
وفوق نحرة يالزجية شفت للحافر اثر
خاتمه سلبوه منه وخنصر يمينة انبتر
بجسمه شفت رمح وفوق الالف جرح
وشفافه ذابلات باجر سبي وراي
**
ارد اصب ماي على نحره منين اجيبن ماي اله
راح ارد يمة لخيامي الم دمع العايلة
ارد اشربه دموع سكنة وي دمعتي الهاملة
بلكي ترجع ليه روحه ويرجع حسين لهله
راح امشي للنهر واعتب على القمر
بي ترجع الحياة باجر سبي وراي
**
الطم على عيوني يمة مات يم نحرة الدمع
طحت يا يمة على جسمة ذايبة مثل الشمع
بصدر اخوية الشمر خله اثر جدمه المنطبع
وسهم نابت فوق صدرة والسهم ما ينشلع
متغسل بدماء ومسلب الرداء
سفينة النجاة باجر سبي وراي
**
عالرمح مرفوع راسة يكطر من اوداجة دم
وانا يم جسمة واشوفة التفت راسة عالخيم
هذي يمكنها رقية يمة فززها الالم
يريد مني يمها اروحن واترك صواب السهم
من انسبي ليزيد جسمة يظل وحيد
يمة منو يبات باجر سبي وراي
**
