من عفتني أذكر أيام الحنان
من عفتني وكتي صار بالامان
عيوني عكبك تبجي دم
كلــبــي يــابــويه أنلجم
من عفتني ~.~.~. من عفتني
*****
انه بت مسلم حميدة بكلبي ناري
رحت أدور وين أبوي وخالي داري
وعمي الحسين اليصبر دمعي جاري
الدنيا صارت ظلمة ما أعرف نهاري
آه .. يزينب .. طاح كل حملي الثجيل
آه .. يزينب .. صرتي عن اهلي بديل
شــلـــون مـنـك انحرم
كلبي يا بوية أنــلـــجم
من عفتني ~.~.~ من عفتني
*****
تمشي بينه القافلة وعيوني تربـــي
كـــــــون أشوفنك يبويه أيا يذخري
بالحــــسـين توسلــت سالم يربـــي
أنته روحي وكل حياتي ونور دربي
آه .. بويه .. من عكب عينك يتيمه
اه .. بويه .. عمري كظيتة بهظيمه
عايشه بـــهــم و ألــم
كلبي يا بويه أنلجم
من عفتني ~.~.~ من عفتني
*****
من وصلنه الكوفه أنشد عالغريــب
صــدك مجــرور بـحبل آه يالحبيب
جسمك موذر على الغبره تــريــب
أنتقم مــن ظـالـمـه ربــي الـمجيب
اة .. يطوعه .. شنهي تاليته ومصيره
آه .. يطوعه .. وين طاح بيا حــفـيــره
طــايــح بــوليت زلــــم
كلبي يا بـــويــه أنلجـم
من عفتني ~.~.~ من عفتني
*****
عمه تدرين الهظم ما ينقبل
والدي راح وبعد عندي شيظل
أنتي جربتي اليتم ما ينحمل
كلتي صبري وعالصبر ماأحتمل
آه .. يعمـه .. شلون اصبر عالفراك
آه .. يعمـه .. كلبي صاير بشتياك
وبتدة عــمـري بــيـتـم
كلبي يا بويه أنــلــجـم
من عفتني ~.~.~ من عفتني
****
شرد أكلج يا سكينة الزمن قاسي
اه يا فقد الأبـو يـهــد الــرواسـي
يارقية بصغر سني شـاب راسـي
بالطفوف افكدت انـه اغلا ناسـي
وين .. خوتي .. بياكتر بـعدو عليـه
وين .. خوتي .. ساعدوني عالرزيه
أرجع ويــاكـم حــلــم
كلبي يابـويـه أنــلجم
من عفتني .~.~.~ من عفتني
*******
عفـه كـلـبـي تحمل هالمصيبـه
صعب يلتم شمل وي النريده
غدر بينه الزمن والله عـجـيبه
الجمع راح وثـكل ون الحبيبه
اه .. ييمه .. اه بـــفـراك الـخليـل
اه .. ييمه .. سلمي أمرج للجليل
الباري هوه الـيـنـتـقـم
كلبي يابـويـه أنــلـــجم
من عفتني .~.~.~ من عفتني
