هاي اخر وصيه --- الك يبن الزجيه
تضل بعدي وحيده --- اوصيك بحميده
هاي اخر وصيه
-----------
حضرت يمه مهضومه وتودعه
سكتت والدمع دمعه عله دمعه
ابوهه يوصي يا ويلي وتسمعه
انا فراكج يبويه شلون اجرعه
اشد ما مر عليه --- واكثرهن اذيه
كل الي اريده -- اوصيك بحميده
-----------
عيون الطفله غمضن من تعنه
ابمسيره وكبل بنته ودعنه
يبويه تكله كونك ترجع النه
لملي طراف ثوبك بيدي حنه
لحنيك بأديه --- لون ترجع اليه
من دروبي البعيده --- اوصيك بحميده
------------------
يحسين السبط هذي وصيتي
امسح راسها من تحل منيتي
بويه شبيج كلهه من بجيتي
ششفتي بالحلم لمن غفيتي
أشفتي ابمنامج-- واتغير كلامج
كض جفوفي بيده --- اوصيك بحميده
-------------
يوداع الهوى الفارك نسيمه
هضيمتنه فلا منهه هضيمه
حميده من اليتامه اول يتيمه
شافت كل مصايبهه الاليمه
ابتدت بيهه المصايب --- رواتهه العجايب
والالم الشديده -- اوصيك بحميده
---------------
وسطهه اذا كعدت اخوتك
من تنام نيمهه عله صوتك
يوحشهه اذا فزت سكوتك
تتيتم اريدنهه وي موتك
نومهه عله ايدك --- لو فزت تريدك
ابوهه لو تعيده --- اوصيك بحميده
