يطوعه وصيّه إعله طفله سبيّه
حزينة أوحيده العزيزه حميده
.........
يطوعه آنه مسلم يالحميتينـــي
إلي وصيّه وأريدنّج تسمعيني
حميده عزيزتي وروحي ونظر عيني
أريدنّج عله بنيتي تسلمينــي
دمعتي وكلامي وحسرتي وسلامي
لبنيتي أريده العزيزه حميده
..........
أموت آنه وبعد ايام ياطوعه
تجي لعدكم سبايه وروس مرفوعه
تطب للكوفه عدكم عيله مفجوعه
خوات اللي ذبيح مكسّره ظلوعه
خواته وبناته سبوهن شماته
اللي كطعوا وريده العزيزه حميده
.........
تشوفين اليتامى شلون حالتهـــا
وتنظرين الحراير حيره حيرتها
وعقيلة آل هاشم تجري دمعتها
يضربوها وتحشم هيّه بخوتها
تشوف الضربها وتِكطّع كلبها
مصايب عديده العزيزه حميده
.....
أريدنّج عله أخوتها تواسيها
وأريدنّج عله بنيتي تسأليها
يجيبولچ حميده ومن تشوفيها
أمسحي راسها وبخدها قبليها
وأنظري متنها وأمسحي جفنها
دموعه شتفيده العزيزه حميده
.......
تسلميلي وإذا سألتّج إعليـــــــه
بحزن تحچيلها شصار وجره عليه
وأنظري الوجه شوفي تراجيّه
أخاف إتسلبن من إجت مسبيّـــــــه
حزنها أوي حزنچ تون ويّه ونّچ
ونّتها شديده العزيزه حميده
......
بحظن والدها كل بنيّه تتربـــــه
وأنه الكضيّت عمري بلوعه الغربه
يبويه وياعزيزي فركتك صعبه
بزغر سنّي وزماني إعلي علن حربه
دمع عيني سايل مشيت بمهازل
دروب وبعيده العزيزه حميده
