يا غريب ما يحس بحالتك الا الغريب
***
دخلت الكوفة وعيوني تشاهدها حميدة شلون صارت كوم ناشدها
الحبيبة الغالية بس الدمع عدها ولا يسوة عمرها المات والدها
يالحبيب والله مشتاقه اشوفك يالحبيب
**
لفه ناعي المنية بغيبتك ينعة واجه عني سأل ريحانة البضعة
مسح جفة على راسي وهمل دمعه نفسها الجف نظرته منكطع صبعة
بالنحيب قبلت خنصر يمينة بالنحيب
**
يصبرني يبوية لو اصبرهن وداع حسين كل عماتي حيرهن
سمعت صوت الضلوع الخيل كسرهن قميصة للخيم رد بحوافرهن
عالخضيب يا سلام الله على الشيب الخضيب
**
حبيبة عمرك انا الدنيا هظمتني علي حركوا الخيل الخيمة وانضرب متني
من بين الحوافر عمتي سحبتني ولو ما زينب الخياله سحكتني
واللهيب بالقلب مثل الجمر يسعر لهيب
**
رقية دوم اواسيها وتواسيني انا وياها بحبل واحد مجتفيني
اريد اشكر سكينة ها يضي عيني اذا اغفة بعبايتها تغطيني
ما يطيب آه يا جرح الشماته ما يطيب
**
