ياناس البعمري يدللها ابوها تصيح انكسر ظهري من يتموها
نادت حميدة مسلم اريدة
**
تقول الناس ياناس الابو خيمة عيونه تصير بايام العطش غيمة
جف يزرع امان وجف يطش شيمة لذلك الله يطلب منه تعظيمة
يتعب على اولاده لمن يكبرون وذراعة الوسادة عليها ينامون
وانا وحيدة مسلم اريده
**
اجاني حسين عمي ويمسح براسي قلت يتمني ابوي وراح اعز ناسي
طفلة وليش دهري يجرح احساسي واظل انا و محنتي بكربلا نقاسي
تنظر لابو اليمة ونزلت دمعته همي بعد همه كافي محنته
بديرة بعيدة مسلم اريدة
**
تعال تصيح عيني وامسح الدمعه دعيت الله تعود بساعة الجمعة
صعبة تنام عينه الجمرته بضلعة وطبع بالريح يكسر خاطر الشمعة
اتوضى وادعيلك سالم تجيني يابوية واحجيلك هظمي وانيني
دلالي عيده مسلم اريده
**
يلي معود القلب من ينجرح يلقاك شلون تروح ما تاخذ حميدة وياك
تدري العين ما تغفة بلا طرواك بعد يا خيمة تحميني بدون حماك
يالضيفت روحي بصدرك الدافي تتركني لجروحي وطبعك توافي
اسمع نشيده مسلم اريده
**
الطفل لي يروح ابو ما يلقة راحة بال مثل وادي يصير وفوق صدره جبال
يمسلم والنجوم تريد ضي الهلال يخيال الصبر صبري بلاية خيال
يا قمرة ايامي غيابك جرحني تتركني بالامي و هجرك ذبحني
قلبي شيفيدة مسلم اريدة
