واسوا يا شيعة حميدة بالله واسوها راح والدها وسافة بحسرة خلوها
تنادي ويلاه تبجي ذكراه
************
تبدي حسرتها تجري دمعتها طفلة يا وسفة رحل والدها عنها
بغربة خلاها ترفع بجاها المن المحزونة تبجي ويستمع ونها
بلا ولي ظلت ونايبة حلت شيبتها هالمآسي من صغر سنها
تريده يحضرها بنظرة يجبرها ويمسح دموع المصايب عن مدمعها
تكعد بحضنة تريده تكعد بحضنه يسمع الونة ابوها يسمع الونه
تنادي ويلاه تبجي ذكراه
***
طفلة مهمومة تبجي مالومة تصرخ تريد الابو يشاهد وضعها
وسفة من عمرة بس بقت ذكره آه والدنيا خذت غالي عمرها
عاشت ليالي تنطر الوالي بخيبة ظلت تهل بالهم دمعها
تأملت يرجع يمسح المدمع يجبر الخاطر يشد كسرة ضلعها
ظلت بحيرة حميدة ظلت بحيرة وين ابو الغيرة يجيها وين ابو الغيرة
بهمها ترجاه تبجي ذكراه
**
نادت الوالد بلوعة الفاكد شاهد شحل وجرالي من رزايا
كافل الخدر عالثرة توذر بوية وبجنب النهر مرمية راية
وهاي اعادينة ذبحوا والينه وياه ظلت عالترب باقي الضحايا
واحنه يالغالي عالهزل تالي مشينة بين اجناب يابوية سبايا
بالسبي مشينة ثكالى بالسبي مشينة صار حادينة خوله صار حادينة
الحبل شفناه تبجي ذكراه
**
بوية ضربونه بوية شتمونه الحك الحك طفلتك والله ارتجيتك
اهلي عافوني بذلة خلوني اخبار ماعندي يبوية من اجيتك
انا بالكوفة بحسرة مكشوفة كوم سترني يبو طاهر نخيتك
عجبة بين الناس ترضى يا نوماس ينسمع صوتي وحنيني شكد بجيتك
كوم دليني على قبرك كوم دليني وضمني باحضانك دخيلك واسمع ونيني
واسمع الاه تبجي ذكراه
**
بوية بارض الشام طبت الايتام بيها لاكينة شكثر جور ومصايب
لابسين جديد بيها اعلن عيد بوية سمونا خوارج هالنواصب
تالي هالعدوان خلوا النسوان بالخرايب تفترش حر الترايب
جينة للمجلس لاولي حارس مجتفين وكل قلب بهمومه ذايب
يشتم الكرارحيدر يشتم الكرار واحنه لا نغار عدنه واحنه لا نغار
**
كلنه هالليلة المدمع نسيلة نواسي بنت مسلم حميدة بهالمآتم
نلطم وننعاه نعلك الشمعة نبجي والدها بحزن ليث الهواشم
نرفع الراية واحنه بجاية ما نخليهه العزيزة بلاية راحم
كلنة نفداها ننعه وياها بثار ابوها نطالب احنه كل ظالم
ويه مهدينة نطالب وية مهدينة من يوافينه نكله من يوافينه
نرفع لواه نبجي ذكراه
***************
