سلامي اعلی محرم سلامي اعلی امامي
شهرلحزان و الدم و ارید اهدي سلامي
شهردمعه وعزیه
ابطفوف الغاضریه
------------------
ارد اسلّم علی اهلال الهل علینه
علی اهلال المن یهل یعرگ جبینه
علی اهلال البالگلب یخفي ونینه
ساکت الوحده لچن یکتل حنینه
علی اهلال المصایب سلامي ابکل خشوعي
ولاقصدي اعاتب فقط اهمل دموعي
لأن شایف رزیه
ابطفوف الغاضریه
-------------------
ارد اسلّم علی لحسین ورضیعه
وعالقمیص النشرته الزهره الودیعه
وعلی العباس البطل و اعلی الشریعه
و علی الرایه وعلی چفین الگطیعه
علی ذاک ابوفاضل و اسلّم علی اعیونه
علی غیرة الکافل و علی اُمه الحنونه
علی الاربع ضحیه
ابطفوف الغاضریه
------------------
ارد اسلّم علی مولاتي العقیله
علی زینب علی غربتهه الثگیله
ارد اسلّم عالدمع لمّن تسیله
عالنساءوعلی المهضومه العلیله
علی الراحن سبایه ادنّگ من اسلّم
نساء ابلاحمایه مصایبهه تألّم
سلامي اعلی رقیه
ابطفوف الغاضریه
------------------
ارد اسلّم وآنه دمعاتي سلاحي
وبالسلام اعلن ولائي وابصیاحي
وعلی بن ظاهر اسلّم و ابنیاحي
وعلی جون وعالمسیحي وعالریاحي
واسلّم علی عابس علی حُبه الامامه
علی کل چبدیابس چبدغیره وشهامه
علی اصحاب الحمیه
ابطفوف الغاضریه
------------------
علی الاکبر اسلّم بالبصیره
و علی عریس الّي ماخلفه عشیره
علی عبدالله وعلی ارگبته الزغیره
علی اعیونه وعلی ایامه الگصیره
علی اُمه وحزنهه لمن ذبلن چفوفه
مره واتحب ابنهه لچن ضامي تشوفه
وتعاینله المنیه
ابطفوف الغاضریه
------------------
ارد اسلّم علی احسین و علی اهمومه
وعلی شیبه الّي تخضب من دمومه
علی اضلوعه وعلی صبعه وعلی اهدومه
وعلی نحره وعلی صدره وعلی یومه
اسلّم علی نحره سلامي اعلی وریده
علی الگصدت تحضره لچن فوگ الصعیده
سلامي اعلی الزچیه
ابطفوف الغاضریه
