حكَــهه أم الولد لو هلــّـت العيــــــن
صار إمصابها أم عبــــد الله بثـنيــن
تبجي أعلى الولد لو تبجي لحسيــن
المصيبه إثنينهـــم راحـــو سويّـــه
***
حكَـهه أم الولـــد لــو هـل دمعــهه
وعليه من تلطــــم وتكسر ضلعهه
وياهه ينوح كـــون اللــيّ سمعهه
إبدمعتـــه إيعينهه إبهاي الرزيّـــه
***
حكَــــهه أم الولد دم ركبته إخضابه
بسهم مذبوح نحره وشافت إصوابه
إبحضنه حسين شاله وللخيم جابــه
اويلي الطفل مدري أمّه الخطيّـــــــه
***
حكَــهه ومن يلوم الفاجده إضنــاهه
رضيع وبالسهم مذبوح يلفـــــــاهه
شحال الوالده إمن تفارج إربــــاهه
تضل للموت ما تنسى الرزيّـــــه
***
حكَـــهه ومن يلوم التفكَـــد الوالي
ومو هيّن عليهه والولد غالــــــي
فكَـــدت رايهه إتهــز بالمهد خالي
دللـّـول الولـــــد راح إمنـديّــــــــه
