جيت أدورَك - يا خويه جيتك عالنهر
جيت أدورَك - أرد أشتكي ضيم الدهر
ياوسفه شِفتك - عالشاطي جثتك
●•••••●•••••●•••••●●•••••●
من عذابي و من همومي جيت أدورَك عالنهر
لايذه بزودك يَخويه و مدمعي صب القهر
صرت أنادي يابو فاضل و آنه مكسورة ظهر
آنه زينب ما تجاوب حار فكري و إنبهر
خويه وينك - حيرانه وين أنطي الوَجه
خويه وينك - دلني بونينك و أتِّجِه
جاوبني إختك - عالشاطي جثتك
●•••••●•••••●•••••●●•••••●
خويه من خوفي و مصابي وسفه عگلي مندهش
أمشي خطوه و خطوه أوگع و جسمي منّي يرتعش
بالخطر أمشي و أندبك و دربي كِلِّه منفرش
سهام و رماح و هنادي و الحزن گلبي يدش
وين أشوفك - الحومه جثث كلها و دِما
وين أشوفك - صوتي إرتفع عِلو السِما
تحضرني ردتك - عالشاطي جثتك
●•••••●•••••●•••••●●•••••●
انظر الشامت يَغالي إعليَّه يضحك لو سِمَع
نخوتي وينك يَكافل و آنه بعيوني الدمع
خويه عباس و هضمني ما تجيني بهالوضع
و آنه مالي غيرك إنته ألتجي به بهالفزع
شلون أناظر - تضحك عَليَّه هالعِدا
شلون أناظر - طيفك يَروحي ما بِدا
بقهري ندبتك - عالشاطي جثتك
●•••••●•••••●•••••●●•••••●
عالنهر دمعي جريته عنَّك أنشد يا بطل
صرت أگِلَّه جاك خويه بيا شريعه هَلْنزل
بالخجل مايه يجاوب و النخل حسره ذبل
العلگمي عنده جوابچ يدري عَنَّه وش حصل
روحي يَمَّه - عنده شِفِت يسطع گمر
روحي يَمَّه - مايه صفىٰ لونه حَمَر
بهمّي گصدتك - عالشاطي جثتك
●•••••●•••••●•••••●●•••••●
أمشي ملهوفه و اريدك لن يشد ثوبي أثر
صوبه أنظر لن يمينك و يَسرتك شفت بكدر
صرت أقبلهم و أنادي خويه وينك بالقهر
لن سهم عينك ينادي خوچ مخطوف البصر
و هاذا جودك - مايه يواسي عبرتي
و هاذا جودك - سهمه جرحني بمهجتي
بوَجدي جمرتك - عالشاطي جثتك
●•••••●•••••●•••••●●•••••●
صرت أقبِّل خويه راسك و نزفه بإيدي يخَضِبه
چيف أداوي جرحه ويلي و آنه بيك امصوَّبه
أعذرك لو ما تجاوب و أعرفَك غيره و إبا
لاچن آنه بتالي فگدك وسفه صرت امسلِبَه
و باچر أمشي - فوگ الهِزل بسوط الزجر
و باچر أمشي - متيسره بعد الخِدر
عالرمضا عفتك - عالشاطي جثتك
