فكلِــي عَـينك وانظـر اتـرَاب العَـليـّـه
وانظر الـﭼَويات خويَه ابـﭼَـف اديـّـه
فكلِـي عَـينك يالحَـبيب
بَلكت اجروحي تِـطيب
***
آنـَـه زينـب هالإجيـت وشُـوف حالِــي
ولـوَن ماتِـعرفـني مالـُــومَك يغــَـــالي
غَـيّـرتها اطيـُــوفي لوعـَــــات الليـالي
وغـُـبرة اتراب المُصــاب الي جِـرَالي
ودَمع عيني والنحِـيب
فكلِـي عَـينك يالحَـبيب
***
فكلِـي عَـينك جِـيت اوَاسِـيك ابرَجعتي
وبيـدي اهَـفـّــيلك واروّيك ابدَمعـــتي
خويه أنسَه الي جره وتِسكن عَبرتي
من تِـفك عَـين وتـﮔلـــي هـَــا يخَـيتي
وعنـّـي كِل همّي يغيب
فكلِـي عَـينك يالحَـبيب
***
احضَنِت راسَك ياتِـﭼيتي وأغلَى ناسي
ابدَم لـﮔيته امخضـّـب وبتــرَاب جاسي
وشِـفته يتشَـابَه وحَـﮒ هاي المآســي
اتراب راسَك خويه ويّه اتراب راسـي
ونحرَك وﭼَفي الخَضيب
فكلِـي عَـينك يالحَـبيب
***
فكلِـي عَـينك وانظــر الدمـع ومَسِــيله
ولهـَــب نيـران العِـبي وروحي العَـليـله
واسمَع اصوات النِسه وخِدري وعَويله
وحِس رباب وسِكنه وارقيـّه اويَه لِيله
اِوّن عَـليل المايطِــيب
فكلِـي عَـينك يالحَـبيب
***
جيت والنيـران تِـركض باثـَـر جِدمـي
والعَـبايه تستعِـر جَمره اعلى جسـمي
وحَافِــر الخيل السِـحَـﮔـها زَاد همـّــي
وصَــيحة اسكـِـينه يعَـمّه وَينـه عمّـي
حيرَه والمَوقف غَريب
فكلِـي عَـينك يالحَـبيب
