يالاكبر يانور اعيوني… .يوليدي ومنك حرموني 

تعب اسنيني ..ياضي عيني ..

يوليدي ومنك حرموني 

يافرحة حياتي او وين الگاها 

راحت والاماني راحت اوياها 

ياچلمة ييمة اوياك محلاها

اشگد حلوة ليالينه الگظيناها 

محلاها ارسومك يالغالي .غابت وتعذب دلالي 

موتدريني ..ياضي عيني ..يوليدي ومنك حرموني 

بجفاك الليالي شلون اذتني 

گبل موتي الهجر يوليدي موتني 

بس الماردتهاابغيبتك جتني 

عبارة عن مناحة الدنية خلتني

بفراگك يبني انهد حيلي… .ذكراك ايعذبني ابليلي 

من يلفيني ..ياضي عيني ..يوليدي ومنك حرموني 

احن الشوفتك وعيوني تتحسر 

بيك الصبر يبني وبيش اتصبر 

چن بالدار اسمع صوت من افتر 

ياليلة بعد مايرجع الاكبر 

اشعر هذا الصوت ابروحي… ..يايمة وتلچمني اجروحي 

وتأذيني ..ياضي عيني… يوليدي ومنك حرموني 

اشبيدي اعله المصيبة المرت اعليكم 

يالضحيتوا دمكم لجل باريكم 

ابصوت الحسرة يحبابي اناديكم 

وارجو المعذرة لو دمعي ياذيكم 

عذرا لو زادت اهاتي… وهمومي ودمعي وحسراتي 

وكثر اونيني ..ياضي عيني ..يوليدي ومنكم حرموني 

اتمنه گبر يبني الي اوياكم 

ضلمة الدنية بعيوني بلياكم 

مو غياب خاطر اگعد اتناكم 

رحتوا وانه ليل انهار انعاكم 

يايوم ابشوفتكم احضه…… اتمنه الموت ابكل لحظة 

يمجافيني ..ياضي عيني ..يوليدي ومنك حرموني