ليلة عزاء…… ..ونه وبكاء
طفوا الشمع واجروا الدمع… .للشهداء
اجري دمعاتك لتبخل بيها
وصيح للقاسم اجيت اجريها
هالمسية ام جاسم انعزيها
بيها كل ام فاجدة انواسيها
نقره المصاب…… زفة شباب
خل نقره هذا المستهل… ..للشهداء
🌹🌹🌹
خل تكون التعزية موضوعها
ام شهيد وتجري يمه ادموعها
اشلون رمله امصابه حاني اضلوعها
الليلة كل ام خل نسكن روعها
بالون نزيد…… .آيالشهيد
خلينه هالليلة نون… ..للشهداء
اعزازنه الصرنه وربينه اوياهم
وسفة ليلة وضحى فارگناهم
حگها رملة لو طفت عيناها
احنه هاي اللوعه مو ضگناها
كسر الگلب…… كلش صعب
حگه الگلب لو ينفطر… ..للشهداء
احنه ننحب مو طمعن بالثواب
احنه ننحب لان كاسرنه المصاب
آ يجاسم من تمر زفة شباب
نذكر الشبان وجروح الغياب
راحوا امس… ...وبلا عرس
والفرحة لازم تنتحب… ..للشهداء
عنه غابوا مو مثل عيسى المسيح
من نمرهم الله يرحمهم نصيح
رغم جرحه وصار كل واحد يطيح
دمي فدوة ايروح لحسين الذبيح
فدوة الدمه…… يافاطمة
كل گطرة سالت عالارض…… .للشهداء
