ول ليلـــه للــدمعـــه نـواسي الطاهره البضعه
*****
هــــذا أهــــــلال أول ليلـــة للعبـــره
هـــــذا أهـــلال نوح الهادي والعتـره
بكل مجلس تنـــوح الطاهـره الزهره
ونـــوح الزهـره أملاك السما تسمعه
*****
أول ليله مشتــاگــه اللطـــم الصــدور
مثـــل فـراشه تعشگ بالضلام النــور
مفطـــومين احنـــه بــواقعة عاشــور
ومن عمـر الطفوله حزنك أنرضعــه
*****
اول ليلــه نــرفـــع بيها أذان النـــوح
نصيــح الله اكبــر عالوگـــع مذبـــوح
وحيا اعلى العزاء اتصيح بينا الروح
وحزنـــك بينا صله ابكل وكــت ركعه
*****
اول ليلــه جفنـــي المدمـــع يـذرفـــه
لحزن عاشر محرم جرحه مـا يشفــه
جــــرح بس بالدمع يوگف الم نـزفـه
حزنه ابكل وكت وسط الگلب يرعــه
*****
نواسي الطاهــره ودمــع المدامع دم
وي إهــــلال أول ليلــــة لــــمحــرم
اليلة ام الحــسن تحضـــر بكـل مأتـم
وتنعـــه وي الشبــاب التلطم وتنعــه
