نعش الطاهره جينه نشَيعـــــــه
وي حامي الحميّه ونجري دمعه
*************
إجينه وبالكَلب مختنكَه عَبـــــره
نواسي المرتضى الظل محني ظهره
على امصاب الوديعه من يصَبره
الجانت بالليالي تضوي شمعه
**************
اجينه ياعلي ابهاي المسيّه
نشيل اوياك نعش الفاطمية
وانواسيك ياحامي الحميّه
راحت زهرتك مامنها رجعه
****************
مانرضاها وحدك ياعلي اتروح
تشيّعها ابدمع مولانا مسفوح
اجت ويّاك للتشييع جم روح
وابدم النحر حبكم نوَقْعه
****************
يلصبرك يحَيّر أهل الافكار
أسِألكْ ياعلي والفِكر محتار
اشلون اصْبَرتْ حين الحركَو الدار
وصدر ام الحسن ينصاب ضلعه
*****************
يِعِينَك ياعلي رب الجلاله
تشوف امكسّره اضلوع الرساله
وصوت الطاهره بسمك تعالى
تعال الحك عَلي صوتي تسمعه
****************
بالليل الوديعه شيّعتها
يحيدر بالكَبر خفيه ادفنتها
وابلحد المنايه وسدتها
وناحت وي نياحك علي السبعه
*****************
