زينب تنادي بصوت الهظيمة يمة يا يمة بعدج يتيمة
متألمة يا فاطمة
****
انا زينب يا حياتي ويا ضوة العين وين عني رايحة يالغايبة وين
يمة يمة كلميني لخاطر حسين يمة رديلي جوابي لو تسمعين
يكسر الخاطر دمعي ييمة ضلعج الدامي بالنوح اشمه
دمعي دمه يا فاطمة
***
لمن تروحين نور البيت يطفه جرح فكدج لا تظني جرح يشفه
فوق ذرعانج جنت يحبيبه اغفى انتي طيبه وقلبج الطيب اعرفه
قبرج الليله ليته اليه واصرخ بنوحي آه يالزجية
***
ما رحم بيه زماني ولا زمانج واسمي يعني بعد ما سمعه بلسانج
دخيله عندج لا تحرميني حنانج تعمه عيني ولا تصد خالي مكانج
محسن الغالي راح من اديه دارج بعيني وحشة وخليه
تظل مظلمة يا فاطمة
***
يتيمة بغيابج ييمة وابقى انحب هذا هجرانج جمر وبقلبي يلهب
فدوة لعيونج ييمة تروح زينب من الطفولة يا قلب مثلي تعذب
غصة مصابي اعظم ظليمة عايشة بفكري ضلوع الهشيمة
متهشمة يا فاطمة
***
يمة كعدي وعالمناحة ساعديني باحله ايام العمر لتخيبيني
والله موتي اهون من تودعيني كلميني كلمة وحدة كلميني
يمة يا يمة ردي عليه هم ترديلي ونكعد سوية
متألمة يافاطمة
***
انا واخواني كعدنه ننعى فركاج دنيه مو دنيه ييمة بعد عيناج
روحي روحي مودعه الله الله وياج يا جرح وسط المشاعر ما نسيناج
سمعي يا ييمة قلبي وونينه سمعي مناحة روحي الحزينة
تظل هايمة يا فاطمة
