حوار الشمس والقمر

بقلمي موسى عثمان

راح القمر للشمس يطلب ودها
مالت وقالت
انتا روحي وعشقها
واللحظه دي مستنياها من زمان
لو حتى كان
عمري ثواني بعدها

قال القمر
وساكته ليه
وسيباني أصارع وحدتي
قالت حبيبي
يفيد بايه
الكل عارف انك حياتي ودنيتي
والفرحه لما اوانها يجي
بيبقى اجمل طعمها

قال القمر
هنعمل ايه
في البعد بيننا
وبيننا ليل
وسفر طويل

قال حبيبي
هنعمل أيه
غير أننا بأيدينا تبقى حياتنا جنه
وننسى كلمة مستحيل
وأذا كان عليا
في بعدك يا روحي
يحرم ضيايه ع الخلايق كلها
بقلم موسى عثمان