دقات ساعاتك
**********
اسمعي
لدقات ساعاتك
عدي عمري و احسبي
قربي منها و اسألي
ألفين سؤال
مين اللي حبك
قد قلبي
و قال البعد يكون محال
مين قلبه زى
شمعة في ليلة شتا
تدفي حلم نايم
من غير غطا
و دوب تلج الجبال
مين اللي قال
إني حبك أية م الجمال
كان لمين أجمل كلام
مين فتح زهر قلبك
قبل الربيع
و فوق التلج الزهر عام
كان لمين أجمل كلام
قلبي زى نار
زى ما يكون كوم ركام
و حلمي
علي ضى شمسك
كل ما يصحى ينام
الوقت عندك ليه رخيص ؟
وقتي اللي محسوب
ب دقة جرس
و جرس ساعاتك
كل دقة ب يتخرس
الوقت أصبح ليه عنيد
نفسي اسمع دقة ساعة
تقول خلاص الوقت راح
وقت هجرك اللي شايل
بين إيديه كومة جراح
و الساعة واقفة معطلة
واقفة العقارب
جوه ساعة مكدرة
اسألي عن حلم عمري
اللي علي حافة خطر
اسألي ساعات القدر
اسأليها
قولي ليها الوقت عندك
كل دقة ب يحتضر
***************
بقلم / رمضان العلالقة