ملحمة تراثية
يا زمان الماضي يا بلد يا زمن..........قلوب الذهب واللولو والماس
شو إنعمل فيك حتى صارو ولادك......... من غير شعور ولا إحساس
وين ختايرنا البركه الأجواد كانوا......... لامين الشمل وحطينا عالراس
إتحرك الصخر وصرخ لما الشجن........ عبى النفوس وعمرها بالوسواس
شو يلي صار وينك يا شهد يا نوار.......... يا نجد الأبطال والأحرار
كان إن مرض حدا فيك يا بلد ........... تلاقي الحووش ممتلي زوار
النسا حاملين سعف والرجال فاتل شنب..... و ماشي الخطوة بعزم و إصرار
يرفع عكازتو ويطرق هالباب تحتشم........ حرمة البيت ان نادا يا ستار
الست ترحب بخياتها والكلام عسل ينقط...... نقط والله كانو حناين هالاخيار
وإن راحوا يخطبو لإبنك يا بلد يسرع......... الجميع ويزينوا بالعزوة هالمشوار
والعروس تخجل والوجن تحمر من......... الفرح والأبو كريم والدار عمار
وللعريس يدعموا وما يبخلوا يشاور......... بس وشوف كيف الجار للجار
وإن إلتموا في ليلة سمر بكلام الجميل........ يتحدثو و معهم القمر سهار
ما أحلى لماتهم والجدات تحكي حكايا....... زمان والكل ناصت يدفى عالنار
وإن ميلوا الشباب بترحيب بيقعدوا ........و بكل شهامة ونخوة يخدموا الكبار
أه يا بلد شو الي صار من حزنك ........وهمك حتى الحجر تحرك لانينك
الكل أنطوى على نفسوا وقال يا.......... روحي دخيلك ما عندي غيرك
أصبح الخوف غيمه و السكوت نعمه....... وياريح ما بنسمع غير صريرك
الكل سكر بابوا والمحتاج ينام عا ....... أعصابو ايه يازمن السباع وينك
صار الخيال ميال للهوى وصار الفارس ....... جرس وهوى يابلد جيت أشكيلك
الأسود صاروا ضباع و ذيابه والنهب....... نهب وباعوا للغرب حلالك وخيرك
ليش يا بلد ليش إنتركت وإنهجرت........ وضاقت الدنيا بناسك ومحبيبنك
بقلمي ....... / خولة ياسين
