موال
رجل ع الضفـة ... ورجل ف الميـة
حلم أحلامنا ... ف الرايحة والجاية
ماشى أدامنا ... يتعاجب ويتمنظر
بنوتة بضفيرة ... وشريطة تتمخطر
اللى قال ع الصعب ... مش حأقدر
واللى قال دى جبـال ... فلم أقـهــر
عنـد هذا الشـط .... وهذى الارض
مثل العلم عالى .. الشرف والعرض
لما ف عز البرد ... أو لما كانت شرد
كلـه مش بينـام .... ولا سهـرشى
حتى هذا الليـل .... ما بينـامشى
فى الميـة بنحوش ... حب وحنية
ونلمس السمـا ... وقلوبنـا محنية
لا المية فيها جنية ... ولا الناس مخاوية
دى نـاس لما بتعرق ... عـرقهـا وطـنـيـة
لو السنة بتجرى .... نسابقها خلصت
ما استنيت ... لآخرها زغروطة
بتجلجـل ... وسامعها الحـقـوا
الزفــة .... فى أولــهــا اطلعـوا
م الفجر ... لحد العصر
وصباحى ... فيكى يا كل مصر
دقوا ع الخطوة ... طبول النصر
بسم الله ... أولها
وبعونه ... نواصلها
هاتوا فى أيديكم ... مباخركم
ورتـلـوا القـرآن .... وأنـاجيـلكم
سمعوا الدنيا ... موال وحدتكم
