المركز التاسع عماد أبوزور لبنان عن قصيدة ان فليت
ان ظليت
الله في إلو كل شي
الأسباب ...
تبقي اسمعي
السكوت شو بيقول
منقول*** "
ما في مثل كذاب"
ورح فل
مش رح خبرك
وبدعي إلهي يصبرك
صعب الجواب
رح فل من عمر الشباب
هالختيرة
بتلبق إلي
ولا تفكري
ان فاق الأسى
لحظة ال فيها
كنت فيكي بتنتسى
وتذكري
ان سكرت باب
بينفتحلك ألف باب
يا فرحتي
عن موقفي
ال منك ضعيف
شو بعد رح إشرح إلك
وكل شي بعيوني بيسألك
ليش الخريف
تاكي على مخدة عتب
شعر انكتب
فيي على فراش العذاب
كنت بزماني
ان ختيرو أهل الفرح
حس النزيف
من نهدتي عليي انجرح
قلبو العفيف
كنت الوجع "
صرت انوجع"
من دمعتي حضور الغياب
وبحاضري
صفيت ميت حي
يمكن
ما في ولا بي
متلي بيحمل هم
معقول قلبي أم
وخيي بإيديي كتاب
وأختي قصيدة الدم
بلل خاطرا
وعم بنطرا بالفي
والوقت شعرو شاب
تأكدت إبني صوت
بعدو بروحي ما اكتمل
وبنتي وداعة حمل
هربت من الموت
لحقوها الذياب
زهقان
صرت من البشر
مش كلهم
يمكن إذا بيدلهم
ع نهدتي نص الحكي
بيذلهم قلبي ان حكي
وشو بعد بدي من البكي
وثلثينهم صارو تراب
لبست الكفن ليكي
ما في عندي جياب