المركز الحادى عشر مكرر سعيد عبد العزيز الحاجه من مصر عن قصيدة حرب وجود

حرب وجود
وأنا جاعد عالمصطبه
وفى حلقىٍ حاجه مشطشطه
ودماغى أخر لخبطه
والشيشه جنبى مظبطه
عدىً العُمده غرباوىٍ .
قالىٍ لسه جاًعد يا قناوىٍ؟
قلت . أنا فى جراحىٍ بداوىٍ
عاوز أيهْ يا عمناً ؟
أبعد بقى عنناً
سبنا نلملم شملناً
ومصطبه وحده تلمناً
قالى .
أنت بتعاًدىٍ نهجناً
وكُل سلوكك ضدناً
بعد كُل دعمناً
رُحت لغيرنا وسبتناً
قلت له.
كفاًيه قطعتُوا أرضناً
وزرعتوا صهينه فى وسطناً
وسرقتوا خيرنا وفكرناً
ونشرتوا الفتنه فى أرضناً
وبقينا نقتل بعضناً
وشككتونا حتى فى نفسناً
قال .
كُل ده عرفينه عنناً
بس أحنا ما حد يهمنا
القوه فى أدينا لوحدنا
وأنت بطل هلفطه
لا ندك أى مصطبه
عاوز تعمل مشاًريع
وتتاجر كمان وتبيع
وتوحد كُل المجاميع
وتضحك علينا وتصيع
وتعمر أرض وتصنيع
وأحنا لمين هنبيع
وهتزرع كمان وتدوس
باين عليك مهووس
قلت.
حيلْك حيلْك .يا عمناً
أنت بتهددنا على أرضناً
وتحربنا فى رزقنا
وكُل شويه تزلنا
فى معُونه ماصص فيها دمناً
أحنا ما حد يهمنا
ما دام معانا ربنا
لو كان الليل غطى نهرنا
مسير الشمس تملاً ديرنا
ومصطبتنا تبقى قمرنا
هنزرع كُل أرضنا
وما يقدر حد يزلنا
وأنتم يالى سمعين حرفنا
حطوا أديكم فى أيدى بعضنا
نبنى ونحمى عرضنا
ويكون رقيبنا ربنا