(( بيلومونى وبيقولولى ))***للشاعرة/ سالى نادر

بيلوموني و بيقولولي حبّاه ليه
ليه في قربه بتكوني دايبة
وعاشقة ليه
ليه في بعده بتكوني تايهة
حيرانة خايفة ليلك طويل
محتاجة ليه
مع انه طايش و عيونه زايغة
و بتاع بنات و حكايات
مقضيها لف
انسيه و روقي من وهمه فوقي
و عن حبه توبي
كفاياكي هم
شوفي نفسك بطلي خيبة
ده انتي جميلة مليانة طيبة
و حنان و عشق
هقولكو ايه يا لايمين
و احكيلكو ايه انا ولاّ ايه
كفاياكو زن
خدوا عيوني و شوفوا حبيبي
هوا نصيبي وروحي هوا
و أجمل حبيب
عمره ما خاني او يوم ظلمني
و لا حتى هانني اصله عاشقني
و دايب دووب
شوفولكو غيرنا حكاية جديدة
فيها عيدوا زيدوا عنّا بعيد
احنا في عيد
بحبه هوا و هوا حاببني
تاعبينّا ليه حكايتكو ايه
روحوا بعيد ...

سالي نادر ...