جارى التحميل
استخدم زر ESC أو رجوع للعودة
***** غـــدرك علمنـــى ***** بقلم / سيــد الدابــى
أنا مش ندمان عليكى
ولا على حبى ليكى
وغدر قلبك ليا
أنا كل ماشوف عينيكى
اتعلم منهم الأسية
غدرك علمنى أنى
أعيش حياتى لنفسى
فصبحى ونهارى وأمسى
والدنيا بين ايديا
ولو كلامك سكر
عمرى مانسى الأسية
.......... ......... ........
عيشى حياتك لنفسك
وابعدى عنى برسمك
بكره راح أنسى أسمك
مانا يا ما شربت منك
رسم وكدب وأغانى
نتقابل وتوعدينى
ومع أول طلعت شمس
بتدوب وعودك ليا
......... ......... .........
روحى حرام عليكى
تشهد دموع عينيكى
لتيجى عليكى لحظة
تتمنى منى نظرة
أو حتى كلمة عتاب
على القسوة والعذاب
وتدوقى مر الكاس
وتحسى نفس الأحساس
وتعيشى ندمانة عليا
........ ......... .........
لكن خلاص نسيت
حبك اللى كان
بقى كان وياما كان
صفحة ومهما كانت
طويتها من حياتى
وحتبقى بكره ذكرى
مره وللا حلوة
لكن علمتنى
مسلمش قلبى تانى
للحب وغدر الأمانى
ولا اعيش فى الدنيا لحظة
فى الكدب والأغانى
خلاص مبقتش ليكى
ولا انتى حتكونى ليا
حبك يا ما ظلمنى
اتاريه تمثيلية
*******************
كلمات بقلم الشاعر // سيــد الدابــى
( حقوق الملكية مسجلة )
المصدر: الشاعر/ سيد الدابى....نشر بواسطة/ علاء زايد
