ايه ذنبي اللي عملته فيكي
مزعلك مني ومبكيكي 
وخلاكي ياحبيبتي تخاصميني
وتبعدي وتعذبيني 
وتغيبي وتحرميني
وتظلميني ليل ونهار 
وتخليني عايش في نار
و قلبي يفضل محتار
ازاي تبقي حبيبتي
ويهون عليكي هجري
وانا روحي عايشه فيكي 
وقلبي طول عمره شاريكي
ليه ياحبيبتي يطوول غيابك 
ويزيد ظلمك وعذابك
وسايقه علي طول دلالك
واعاني المرار والويل
ويطول السهر بالليل
ودموعي نازله علي خدي 
والدنيا تقسي معاكي 
ولإمته يظلمني جفاكي
وح تفضلي عايشه في قساكي
وسيباني انا ووجدي
محروم من نعيم لقاكي
وكلي اشتياق لهواكي
أتعذب ومش قادر ابوح
وابكي وانا المجروح
ويصبر فؤادي الروح
ليه انتي والدنيا تتعبيني
وعلي القسيه تعوديني
وتموتي فيا الحنيه
والليل يطووول عليآ
واحنا اللي طوول عمرنا
ماقسينا علي بعضنا
ولا قلوبنا كانت يوم قاسيه
وعنينا لدموعها كانت ناسيه
ليه تشمتي فينا عزول
والعمر يقصر مايطول 
وتفرحي فينا الحسود
والزهور تدبل والورود
لو كان بيني وبينك عتاب 
ماگان للخصام أسباب
وماكنتي يوم تظلميني 
وعن ذنب مش فاكره تهجريني 
يمكن كان غصب عني
ومكنش أبداً قصدي
ولو كنتي جيتي عاتبتيني 
كنتي عذرتيني وغفرتيلي 
وفضلنا انا وانتي احباب
وعشاق طول عمرنا
ملناش غير بعضنا
لو العالم ياحبيبتي يظلمني 
وانتي معايا مايهمني 
بس انتي تحني وتعدلي
دا ظلمك موت بالنسبالي
ويصعب عليا نسياني
حرام عليكي ياحبيبتي 
تحرميني حضنك وتغيبي 
وتفضل عنيكي وحشاني
ويقتلني شوقي ليكي
وأحن للمسة ايديكي 
واسمع بشوق كلامك
قاتلني ياروحي خصامك 
ايه ياحبيبتي غيرك
وقساكي انتي وقلبك
وانت اللي طول عمرك 
معايا بقلب حنون
ليه تفوتيني اعاني
بعدك في ليل طويل
و سهد وشجون وويل
وافضل انا وأشواقي
جوايا الغيره قتلاني 
وانتي مُصره علي الفراق
ومش فارقه معاكي الأشواق
ليه ايامنا مننا تروح 
ونعذب معانا الروح
وقلوبنا تشكي لهمومنا
وينطفي الحب وشموعنا
والسعاده تموت جوانا 
تعالي ياحبيبي عاتبيني
يمكن تقدري تسامحيني
واصالحك وتصالحيني
وتعرفيني ذنبي وتغفريلي
ومهما كان ياحبيبتي قرارك
ح اتحمل مرارة احوالك
واصبر كمان علي صدك
وح يفضل فؤادي علي عهدك
وح افضل في غرامك دايب
مخلص وصاين ودادك
مهما طال عليا غايبك
ح نفضل برضوا حبايب