علي شط بحر الهوى
قابلت اللي سارق خيالي
وشغل من يومها بالي
ومغير كل احوالي 
ياما إتمنيت هواه
وناجيت الليل القاه
عشقته وعشقت الليل
ومهما كان الليل طويل 
ماشكيت في يوم غرامه
وسهران باترجاه
ييجي ويرحم حالي
وهو سايق دلاله
معذبني ولا علي باله
ووراني الويل في غيابه 
ياأهل الهوي قولولي
اعمل ايه وياه 
ومنين اجيب دوآ
يصبر قلبي جفاه
ويشفي عليل قلبي
ويطفي نار حبي
ويريحني من عذابي
طول ليلي وكمان نهاري
وعيني لبعده بتبكي
وخدودي منه بتشكي
وحبيبي واخد عقلي
وواخد معاه فكري
حسنه وجماله جنني 
وسحر عنيه توهني
وآه يااهل الهوي
من حنية قلبه لما جاني
وبشهد شفايفه سقاني
وآه ياعاشقين الغرام
مابيخلص معاه الكلام
عن الأماني والأحلام
ولو شوفته عنيه وابتسامتة
وطبع الحسن علي خده
ونار وشهد شفايفه
تروي ظمأ العطشان
وتطول العمر وسنينه 
دانا مهما شربت من حنانه
بارجع عطشان لشهده
كإني عمري ماشوفته 
والنهارده بس قابلته 
وكلي شوق وحنين
نساني الأآه والأنين
يارب ماتحرمني منه
وتطول كمان في عمره
سنين وسنين وسنين