فاكر كل كلامى ليكى
وشغفى وهيامى بيكى
وقلبى لما يجرى عليكى
وانا مشتاق لمسة ايديكى
******** 
واهمسلك واقولك بحبك
ياحياتى دانا كلى ملكك
عايز أضيف عمرى لعمرك
وأعيش باقى عمرى جنبك
*******
تعالى نرسم حياتنا سوا
ونعزف لحبنا لحن الهوى
ونودع سنين الضنا والجوى
دانا العليل وانتى الدوا
*******
ياللا نعيش حبنا على طول
ونتمتع بحياتنا والعمر يطول
واللى يدوق الحب ينول
كل سعادة وهنا موصول
*******
وكلامى دا جد مش هزار
بقولك بحبك وخدت القرار
ومستنى ردك بأجمل حوار
تعالى حبيبى انا ف انتظار
*******
وزى ما بتفكرينى بفكرك
وباعترفلك واقولك أشكرك
ودايما فى قلبى ب اذكرك
الحب قدر لاأمرى ولا أمرك