كان لى حلم / وكان املى انه يتحقق
نتلاقى ونتلامس / وشوق القُرب يتدفق
وقلب يحن لحبيبه / وروح مع روح بتتوفق
ونغمه حزينه تجمعنا / بدمع عيوننا تترفق
حلمت بموجه واخدانا / لدُنيا الرفق بقلوبنا
وفرحه كبيره سيعانا / وتوب العشق من توبنا
وقُلنا ياحُزن انسانا / وقرب لينا محبوبنا
ده انا وحبيبى وهوانا / وكأس الشهد مشروبنا
حلمت اِنى كطير شارد / اغنى العشق بالمجان
وريش جنحاتى كالمارد / فى صوتى اجمل الالحان
اقرب يوم واتباعد / كأنى فى الفضا دخان
وقمرى فى السما شاهد / صدى صوتى ف كل مكان
حلمت اٍنى سعيد فرحان / ببسمه جميله واٍشاره
نسيت ألهجر والاحزان / ووحده كلها مراره
صحيت على دمعى والاشجان / صحيح الدُنيا غداره
وعصفور فارق الاغصان / وضاع الحلم ياخساره