رقم تليفون كل اللي بينا رقم تليفون ؟ ما هو إنتَ يا أناني يامجنون الأقرب إن إنت أناني و طِير رحَّال علي أغصاني تقول عنيده معكساني مع إني سابقاك بزماني أقول يمين وتقول لي شمال وكأنك إنت واحد تاني فاكرني يعجبني فُتَاتَك صحصح وفوق ياأذكي إخواتك يعني أما يجي يوم وأحتاجك تكون سند أو بر أمان أو أما أكون واقعه ف حيره والعقل مشغول أو حيران وجنابو قافل تليفونه وكأني لا من دمه ولونه تقدر تقولي الحل إيه؟! جسر الثقه إمتي هتبنيه ونخطي على بره نعديه دا الحب ليه أصوله وناسه فوق الجبين ما بينداسوا دايماً تيجان عاليه وغاليه مش زي نقش على الميه خالي الوفاض من إحساسه زي اللي كدا واكل ناسه و كل ما بينا .. رقم تليفون عجبي!!!!!
