لما تبعدى عنى
حبيبتى ياأغلى من روحى / لما تبعدى عنى
احس بوحده تقتلنى / وقلبى كتير بيوجعنى
واصرخ فى الفضا وحدى /ولا فيه حبيب بيسمعنى
واتمنى ساعتها الموت / لكن حبك بيمنعنى
ثوانى البعد زى النار / وقربك أنتى يحيينى
وطعم الشهد كله مرار / ومين غيرك يواسينى
تغيب عنى بدون اعذار / ونار هجرك بتكوينى
وعقلى فى الغياب يحتار / أقول امتى يرسينى
تفوت ثانيه ورا ثوانى / واحلم با اللقا مره
يعود الحلم من تانى / وروحى ع البعاد صابره
أخاف فى البعد تنسانى / وأبكى والدموع حاره
كأنى خُلقت وحدانى / حياتى فى الهوى مُره
بتبعد والبعاد قاسى / وقلبى فى هواك دايب
حبيبى غوص فى احساسى / ونصبح فى الهوى حبايب
ده حبك تاج على رأسى / عشقت الرمش والحاجب
ياريت تشاركنى أنفاسى / ودقات قلبى لو حابب
وأحس بزمنى يخدعنى / لما تبعدى عنى