علي الوتر الحزين 
أزعق بعلو الصوت
ياما شباب ماتوا
وياما شباب بتموت
انا الشهيد الجاي
دمعي شبيه لغناي
من دمي بزرع ورد
من عمري ابني بيوت
انا قصري ف الجنه
وأسمي في الملكوت
علي الوتر الحزين
أزعق بعلو الصوت
*********
اغسل ايديك 
واقبض تمن دمي
غمي عينيك
واضحك علي همي
أيد الخيانه
تحصد ولا تسمي
فكر الجهاله
ملعون وبيصلي
اغسل ايديك 
واقبض تمن دمي
*********
يا دمع ليه مالي الجفون
الهم من همي يعاني
والكلام مليان سكوت
وجي يانار وجي بشجون
اقتلي فرحه زماني
أحرقي كل البيوت
واقتلي فينا الأماني 
انا الشهيد ابن الشهيد
انا بتولد من رحم موت