ماتبكيش علياَّ ياأمي ما تبكيش
وماتزعليش علياَّ تاني ماتزعليش
وماتندميش علياَّ ماتندميش
د انا رايح لقصري في الجنه ماتنسيش
واوعي تقولي شبابي راح ياأمي ماتدريش
يارتني ياأمي بألف روح وبألف جسد
كنت أحارب بيهم الخونه وأطهر البلد
وأفديكي وأهلي وكل شبر فأرض الولد
إفرحي ياأمي وزغرتيلي داإنتي أم الشهيد
آاااه لو شوفتي زَفّْتي للّْجنه وفرّْحِتِي بيها
والملايكه وعرايس الحور ماسكين ف إيدي
وطيور جميله ياامي طايره فوق راسي
واخواتي الشهدا مقابلني فرحانين وبيباركولي 
ماكنتيش نزلتي دمعه من عيونك وزغرتيلي 
افرحو ياأمي ويابويا وزوجتي وولادي
د انا أفديكم الف مره انتو وكل اهل بلادي
وكفايا علياَّ جنة ربنا اللي وعدني بيها
لوشافوها زمايلي كانو اتمنوا يبقوا قبلي فيها
اوعي تزعلي ياأمي وتبكي علياَّ تاني وتبكيني 
آااه لوتعرفي نعيم الجنه والهنا اللي مستنيني
وعشان اعيش سعيد ومتهني بيهم اوعي تبكي ياأمي وتزعليني