شِيلتك شهور في الحشا
والعمر بيك سنين
ضاع الحلم ف ثواني
ب إدين الغدارين 
واليوم راح الوليد 
ودا حقه يجبهولي مين
يادمعه صابحه مغرّبه
نازله دِما م العين
القلب بيك اتوجع 
والصبر اجيبه منين
يا ام الشهيد قومي وافرحي
ابنك عريس في الجنه
ولايوم بسواد تتوشحي
إملي الكفوف بالحنه
دا يوم ميلاده زفته
وف قلب أم النور
والصبر ليكي علامه
والطاقه طاقه نور
والزفه طيور ترفرف
حواليه داير م يدور
اوعاكي ف يوم تضعفي
ابنك عريس في الجنه