ياللي حبك غير حياتي
وخلآني انسان جديد
وفعيني بدر وليلاتي
اسهرلك وقلبي سعيد
يامتوه عقلي ببعدك
إمتي يفرحني قربك
واشوفك أجري عليك
وقلبي مشتاق اليك
وأفرح إني لقيتك
وترتاح إيدي فإديك
واتهني ياحبيبي فحضنك
وعيني جوه حضن عنيك
والبعيد يبقي قريب
وأكون لك أول حبيب
وأمل حياتي من زمان 
انك تكونلي مهما كان
دا انت عشقي وهوايا
وحبي وعذابي ودوايا
طمني وقوللي ياحبيبي 
انت حاسس بقلبي وعذابي
ولا انت لك حبيب تاني
لوكان مش هكون اناني
وهسيبك لفارس أحلامك
والسعاده من قلبي هتمنالك
وكفايه أشوفك متهني 
وده هيكون غصب عني
لأني بعيد عنك مش هعيش
عشان غيرك حبيب مليش
لأني من طرف واحد حبيتك
وبيني وبين نفسي اتمنيتك
حبيتك وعمري ماقلتلك
ولآ حتي قولت اشتقتلك
ولوقلبك ياحبيبي لسا فاضي
تبقي الجنه وياك فانتظاري
وتبقي انت حبيبي الأولاني
وبالحب هنحقق كل الأماني