أعذر وسامح يا أنا أنا اللى غيرت الطريق وانا اللى بدلت الصديق كانت حياتى معاك هنا مكنتش عند حسن ظنك متعلمتش حاجه منك مشربتش من نفس القنا كنت دايما ليك معارض كان تمللى دماغى شارد مشيت وسيبتك كام سنا نصحتنى ونبهتنى من قبل ضهرى ما ينحنى أعيش فى أيام الهنا ياما قلتلى اشرب فى كاسك بلاش تسيب أهلك وناسك محدش هيرعاك زينا أنا اللى مسمعتش كلامك مهتمتش يومها بخصامك قلت روح وسيبنى هنا النهارده انا بعترف كل شيئ بان واتعرف بعد ما شاب شعرنا وادينى بدفع التمن ومين هيرجع الزمن وللا اللى راح من عمرنا أعذر وسامح يا أنا
