عايز ايه من واحده تافهة
عايشه مغروره بحالها
فاكره اي واحد شافها
مغرم دايب في جمالها
واحده هيفا واحده فاضيه
مهما راح تعمل عشانها
عمرها ما هتبقى راضيه
عمرك ما تحس بحنانها
-
لما تشوفها من جواها
لما تطلع من غلافها
تبقى مش فارق معاها
وتحس انك ولا تعرفها
يبقى حبك بالخساره
تشوف دلعها وهبلها
تبقى بصحيح العباره
متعفرت من احوالها
-
تعرف ان العقل جميل
تبقى مش عارف مالها
الإحساس بيداوي عليل
والبارده تحرق بغبائها
توهمك بنظرة عينيها
مهما تستحمل عشانها
تتعب تحاول ترضيها
هي بتريح في بالها
-
إحسبها صح ولم هواك
الواحده بتبان في كلامها
دور ع اللي تعيش معاك
وتصون كرامتك وعيالها
اوعى تقول بكره هتتعلم
إتعلم وإفهم عرفها
إنك عمرك ماحتتقدم
او تسلم لواحده تافهة