سنه فاتت وسنه جايه
احسبها كده بالراحه
سنه جايه وسنه راحه
كسبان ايه وخسران ايه
احسبها وقولها بصراحه
زعلت مين ومين زعلك
فرحتك مين ومين فرحك
اه يادنيا كلك تعب وشقي
تقولش عامله لينا عمل 
كل الناس فيكي متشعلقه
ساعه فوق وساعات تحت 
ولسماكي بتبص ومبحقله
للي فوق راضي بقسمته
ولا اللي تحت راضي برحمته
سنه مروحه ولناس كتير مزعله
وسنه جايه متبختره متامله 
والناس ناسبه ان السنه من الزمن
وربكم يابشر هو الدهر هو الزمن
لاتقولي سنه كانت تقيله 
هي سنين الله كلها جميله
بس العيب في عيونا بتشوف
ساعات من زوايه ساعات تكون نور
من رضا الله تكون الدنيا حلوه 
وساعات تشوف من زوايه ضلمه
من وجه نظر نغس ضيقه مش مؤمنه
هو كده البعد عن ربنا بيقفل باب المرحمه
سنه علينا جديده سعيده ببركه ربنا
تفاءلوا بخيره تلاقوه دايما بيودنا 
سنه نور وسعاده علي الناس كلها
اتفضلوا بقي القهوه ياساده 
حبوا ايامكم لان امر بحبه وحب نبينا