كلموني حبايبي كتير عنك وشغلوني يآ حبيبي بيك
ولما وروني صورتك لقيت نفسي صبح وليل بفكر فيك
وواحده واحده لقيتك بِتّْهَوِنّْ عليا عذابي في وحدتي وغربتي
ولقيت نفسي باسهر معاك الليل كله وحاسس بفرحتي
فكروني بالحب وحلاوته وكنت في زحمة حياتي خلآص نسيته
ولما انشغلت بيك لقيت جمالك ورقتك جوايا صحيته
ولقيت صورتك مابتفارق خيالي وحسيت بنار الحب والأشواق
واتمنيتك حبيبي العمر كله وما يكون بينا يوم فراق
لما لقيت حبك ملك فؤادي وروحي هيمانه ودايبه في هواك
لقيت نفسي مشغول بعنيك وبفكر فيك واتمنيت أعيش معاك
حتي في منامي يآحبيبي كنت ليلاتي باحلم بطيفك وصورتك
فكروني بالحب وكلموني عن جنته ورقة قلبك خلوني احبك
وكرهت الماضي وقسوته اللي سرق مني حياتي وأيامي قبلك
ورسمت طريق حياتي وبقيت أفكر فالحب ونعيمه وحلاوته وانا بقربك
واتمنيت اعيش الحب كله اللي عمري ماحسيته ولا عرفته
وصورت يآروحي احلامي معاك واتمنيت انسي كل العذاب اللي شوفته
بعد ماحبيتك واتمنيتك واترجيتك ليا من الدنيآ
وكل الأماني يآ حبيبي اللي باتمناها انك تحبني وتحس بيآ
ويكمل حبنا وتتعود عليا واتعود عليك وتملآ الدنيا عليآ
وزي ما الشوق صحاني وملكني يروح لقلبك يصحيه وتشتاق ليآ
ويبتدي عمري الحقيقي معاك وانسي من عمري كل اللي فات
سهرآن ويا طيفك وحبك مفرحني مهما كان بينا من مسافات
ياللي حبك احلي شيء فالكون خليت حياتي مليانه فرحه وابتسامات
تسوى ايه الدنيا من غير حب وحنيه 
وأشواق وأهات الذكريات
ده اللى فات من عمري قبل حبك يآحبيبي كرهته ونسيته كله علشان بُعدك
وكفايه عليا احبك واعيش وياك اللي باقي من عمري وقلبي يفرح بقربك
يهنيني همس حبك ويسعدني غرامك وادوب في هواك
بعد عذابي سنين طويله وليالي مليانه جفا وحرمان وغربه مُرَّه
يااجمل حب في حياتي نسيت الماضي خليتني احب يومي وبكره وكل بكره
ياحبيبي شوقي إليك كواني نفسي ارتاح من عذابي واكون جنبك وبين ايديك
و اللى جوه قلبي كنت حاسه من زمان وياما كنت بدور واسأل عليك
وآااه من حبك يآحبيبي وآااه منه مستحيل استغني لحظه تاني عنه
الحياه بقه ليها معني معاك ياعمري والايام بتجري مننا
تعالي نعيش ايامنا اللي جايه ونحس بحلاوتها ونتهني بحبنا