معروف صلاح - شاعر الفردوس
يكتب :- ( الفجر الكاذب )
قصيدة بالعامية المصرية
...................................
( الفجر الكاذب )
يا فجر مالك والظلام ؟
يا فجر مالك قُول قوام ؟
غايب عنى ليه ؟؟
ليه غايب على الدوام ؟
متكنشِي عايب على الزَّمان ؟؟
متكنش خايف من الحِسَاب ؟؟
طيب زعلان منِّي ليه وليلك يباب ؟؟
هى أنوارك مش كفاية ؟؟
للشجرة اللى طارحة بالهداية ؟
ولمة الغلة فى الطرحة للغلابة
بستان محبة والعطايا بزيادة
والشعَر اللى سايح على الشراشف
مع الكحل نايح فى العيون الخضر
طالل كما العناباية
على الحشايش والحراشف
والنجمة اللى سارحة عِناية
من الرحمن بتقتل فى الشيطان
والخشايش فى بحرك سلامة
وهدوءك المصطنع غلَّاية
والسلامة شوق فى المدى
واستقامة ومنامة
والليل اللى فيك قوَّام وقوَّانِي
وصبَّرنِي على التراحيل
عمره ما اهتدَى
بالضلال ولا المواويل
وإن كان بَرَّك أمَان
بِرْ يا صاحبِي على الدوام
وشوف أجيب منين السلام
وكل دمعة فيك هدَى
وكل طلة فيك تقَى ؟؟!!
.............................
وكان ياما كان
كان غنايا من لآلىءِ الكلام
ومعدشى فى الإمكان عوَّام
بيسبح على الطريق
ولا فى الاحلام
أبدع مما كان غريق
وكان غناك رهوان
بيسوق سحاب وبيفتح بيبان
بينور فيافى وبيسَّبَح مع الغلبان
لناس قلوبها طيبة
علشان هُم طيبين
لناس فارشة ضلوعها
مخدة وسرير للحراير والوالدين
وفيه ناس حاطة قلوعها
للسائرين بالسنجة والمسامير
وبتذبح على الرصيف بالمزامير
كل تكبيرة حَنان ؟؟
......................................
يا فجر ليه ناسى
ناسك وقلمِي وكرَّاسى
والرحمة والرقة
اللى فى شرعك وشرعتك
وشراعك وطيبتك والأطايب
والنسمة اللى فى دمعتك
بالزَّقَة والزَّعقة والرَّعْشة والدِّقة
والقسمة والصورة والريادة
والبسمة اللى تايهة على الشفايف
ورجوعى للحبايب
بالبداهة والوجاهة
وشعاعك المذبوح بخضوعى
واللى جارح نعسة عيونى
والمسامح والملاوع ليه بيلمونى
واللى بيقطع فى نُولِي ومُنايا
واللى الغايب ملوش نايب
حتى من دموعِي
ونوبتِي طرايح فظايع
والقصيدة والذبايح
وموالِي والجرايح ؟؟
يافجر ليه ناسِي كل دا ؟؟
يافجر ليه ناسِي النِّدا ؟؟
وعهدى وعهدك
اللى بايع واللى اشترى
بكرة بخسوفى
وكسوفك طبايع منقوشة
بالبنادق على دفاتر قلبك
الظامِىء للرخام
وأنت طبعك يا فجر
حامِي كما الشَّطَّة
فارغ كما البقوتة والقُفَّة
بتنشِّز كُل ألحانِي كما الزِّناد
طبع كذاب وأنانِي
فاقد لعنوانِي والرشاد
مش الفجر الربَّانِي
الحقيقِي والحقَّانِي
والحَانِي على الجميع
بصلواته وأنواره على العباد
وعمره ما انطفى يوم العيد.
..............................................
معروف صلاح - شاعر الفردوس
القاهرة - مصر
