ضيف ثقيل ضل زنخ فضولي ....

تلولحي ياداليه الزلمه شرف تقولنا فاتحين " تكيه - بيت كرم ...

 دايما" منسدح – منشخب ؛منبطح ؛ متمغط ؛ مشختر ؛ بشخور ؛ بتمقلب ؛ منجطل مفخي ومرخي ؛ متوبت ؛ متلس ؛ متلحتح ؛ مشختر بتحصرم متبلطح ؛ متلل ؛ بزبد ؛ بطاحر ؛ بشحوط بحاله ؛ بوازن  - بدوزن بقعدته ؛  بتشتور ؛ بتحنتر ؛ برطل بحاله ترطيل ؛ بتزلحف ؛ مطفحج  ؛ بتقزبر ؛ بسكسك بحاله ؛ بشطل- برطل بمؤخرته ؛ بتهزبر ؛ بتنحوط ؛ وبس نبصب الأكل بصير )( يلقد لفد " يلبد لبد ؛ يسلع سلع ؛ يهبش – يلطع – ينح – يهبر ؛ يكعبل ؛ يدرش ؛ يجرش جرش ؛ يتلهوط تلهوط ؛ يندل ندل ؛يمرس مرس ؛يلشق – يمرط ؛ يصفط بلقمته تصفيط ؛ بخرفق تخرفق ؛ بلخفق لخفقه ؛برم رم ؛ بمعط – بلخم ؛ بقني للمليحيه ؛ يتنقبر تنقبر ؛ بردج رجد )( بكروع تكروع ؛ بتارع ؛ بطاحش ؛ بتولد ؛ بشرق شرق ؛ بشفط – بجرع – بشرف – بلق ؛ بروي ؛ بدحي دحي ؛ بجعم جعم  ؛ مشفلح ؛ مبطون ...!!!

كان في ختيار بسوم الله يرحمه بحب الناس تضيفه كنه بتفاخربهالسولافه ؛ يس دايما " منحس " يوم من لايام كان ضايفه " بدوي " والمثل بقول )( اذا بتطعم البدوي كباب كل يوم بدقلك عالباب )( هاض كلام صحيح . شوفو شلون اللصار ؛ كانت الدنيا مقطبه اشتى ومركبه عمنجد والا البدوي بطقطق عدار الزلمه ؛ قام قال الزلمه لابنه شوف يابه منهو البطقطق بهالساعه الضيقه ؛ قام الولد فتح دريبية باب الدار والا البدوي نابط فروته ومشرف ؛ المهم عبر عالداروقام راح الزلمه جاب سكر وشاي من عند الحج بديوي الله يرحمه وعلبة " ساردين عبندوره " ورجع عالدار وقامت الحجه فقستله جوز بيض وتعشى وقام صار يلهوج بنياعه ويتثاوب وصار يتنعوس وتوهن

عالفرشه وبيدر حاله ونام ؛ وثاني يوم وثالث يوم البدوي " مترح " مش جاي بباله ينعثر ؛ الزلمه صاحب الدار مافي بجيبته متليك ؛ وتتلتتل الدين عليه ؛ وقام قال للحجه روحي على اخوك استقرضينا منه عشرين قرش ؛ قامت راحت على دار اخوها وقالته " كان معك ربع " نيره " تقرضنا عندنا ضيف قاللها : ومنهو هاض الضيف قالتله : البدوي ابو فلان قاللها : طيب اني هسع بلحقك وبصير خير : روحت الحجه وقام اخوها سلق " راس زهره " تا ذوبه ؛ وقام شرب ميته وراح عدار اخته ؛ لقى عندهم زلم كثار وقام راح قعد بجنب البدوي ؛ بس البدوي كان مستدفي كثير مره بغمض ومره بفتح ؛ اجا اخوها للحجه وعلى غفله )( قام شالع تفجير) مرعب وقام طارعالباب وصار يصيح " آآآبييه البدوي طخني " قام البدوي " حنق – بحلق بحاله بطل يجمع والناس بتضحك وقام لف حاله بفروته " وحب النبي واخليلي ........؟؟