جارى التحميل
استخدم زر ESC أو رجوع للعودة
معالجة درامية بصيغة شعرية ساخرة
ركز وافهم مغذى لغانا
=-=-=-=-=-=-=-=
حتى الطبخات الى عليها
اتعودنا واتقوينا واتربينا
احتاروا ازى يمحوا زمنها
وازى راح ليها ينسونا
احتاروا ازى يلغوا عقولنا
وبلبخ وعك لفتوا عنينا
لبرامج سورى اوى كتيانا
والوان اطباق عيرة وزينا
اسماء لو خضنا بمعانيها
نحتار ونتوه طبعا فيها
وازى راح يوم نستطعمها
وريحتها ما هزت شىء فينا
ينفع نطبخ حبة بامية
او ملوخية صنية فته
من غير صلصة وطشة توما
اهودا بالضبظ يا ناس يشبه
فن ومغنى من غير سوما
طب ينفع تطبخلى صنية
بطاطس باللحمة مشوية
هبابير مش لحمه مفرومه
ملعون ابو اكل الشيكا بيكا
من غير بهرات ولا تسبيكا
بيقولوا تك اوى انتيكا
وخفيف ع المعده يا معلم
فاكرينى خواجه من امريكا
ومالها المعده
اديكوا شيفينها
تقفيل مصرى ع الفبريكة
طب بس انت هاتلى عكاوى
وسمين وفشه على كلاوى
وانا افوت بالحيط من غير حاجه
الى ما شفت باعلان مره
صنية قراميط او مدفونه
مسكونه يا عم بجوزتعابين
او كارع كدا مع كام ريشه
حوليهم كوسه مع بتنجان
ملعون ابو كروسول وبتيه
وميونيز ومعاه باتون سيليه
انتوا يا اخوانا فاكرنى ايه
انا مصرى واكلى لا يعلى عليه
افطر كدا فول مع طعمية
واتغدى انا لحمة بتقلية
واتعشى حمام بفريك محشى
وبالليل امزمز انا شوية
بطبق سلطة يا عم حكاية
عدد مقاديره يا ناس ميه
جزره وخياره وقوطايه
على راس فجله
وواحدة بنجر
وبقدونس وشبت وبهار
ايووه ع الوصفة المضبوظه
ملح وشطه فلفل كمون
خل وبصله مع فص ليمون
ويا سلام لو حبة زيت زيتون
اوعى يا ريس حاسب الفروعون
لاكلسترول ولا يحزنون
اكل واجرى ولو حتى بدين
العب واجيب انا يجى ميت جون
اصل انا مصرى وقالوها زمان
الى يخاف من عفريت يطلعله
وانا يوم ما يفكر يطلعلى هههههه
هاكله واحدق انا وراه بزيتون
سيبك وتعالى بقى للمضمون
لا تقولى رجيم وكروش ودهون
سمى واقرا بس القران
وشوف فوايد الدهون
سيبك منهم دا كلام مدهون
تطبيع يعنى و تيلفزيون
الى يهمه يا ناس اعلان
يااما يا ناس جم او وصفه
شاى وحبوب اشكال والوان
او باكوا وهم لعم فلان
عمل الفنكوش ظبط الاوزان
وعيادة سمنه وتدبيس لفلان
عارف راح يزعل منى كتير
وهيجينى الان مليون تيليفون
لكن قلت ورزقى على الله
وراح انشرها بميت جرنال
والى ما عجبه يشد حواجبه
وياكل ويقرقض بضوافره
وينكش شعره زى المجنون
ويسمعنا ياعم سكاته
ويعصر على نفسه
فص ليمون
بقلم
=== الشاعر \ راسم محمد
المصدر: نسمة الربيع
(مجلة عشاق الشعر)(1)(ممدوح حنفي)
ساحة النقاش