جارى التحميل
استخدم زر ESC أو رجوع للعودة
دلوقت مش عاجبك
ـــــــــــــــــــــــــــــــ
دلوقت مش عاجبِك
وتقولى أنا سَايبك
وطلعني من قلبك
طب أنا همشى
ومكانش ده عشمى
يوم تخلينى
والتانى ترمينى
مهو لو أنا همِك
ماكنتِى ترضيلى
أبعد بعيد عنك
مع إنهُ يهنى لى
أكون دوا قلبك
عموما أنا ماشى
ومش هكون ناسى
بقلبى حبيتك
وبرمشى خبيتك
بس إنت ياخساره
قاسيه وغَداره
فاكراها دى شطاره
أنا نفسى يوم أشوفك
غيرتى فى ظروفك
وباعدانى عن خوفك
أنا ماشى وهسيبك
وإنت ونصيبك
وبلاش دى تكشيره
خلتنى فى حيره
وفضيها دى سيره
يوم تحبينى
ويوم تذلينى
عايزانى على كيفك
وشِتاك مع صيفك
بشوفهم ف يوم واحد
وبتقولى أنا جاحد
إكمنى حبيتك
وبقلبى خليتك
دلوقت مش عاجبِك
وهتغيرى رأيك
مهو لو أنا همِك
ماكنتِى ترضيلى
أبعد بعيد عنك
مع إنهُ يهنى لى
أكون دوا قلبك
كلمات / عماد أبوالنجا
(مجلة عشاق الشعر)(1)(ممدوح حنفي)
ساحة النقاش