جارى التحميل
استخدم زر ESC أو رجوع للعودة
الرسالة الاخيرة
------------------
مكانشى عشمى ياخلى...انك فى يوم تقوللى
انك ماعدتش تميللى.. ، بعد العشرة الطويلة
طاب ليه ؟ ...علل لى !
دا انا اللى دبت عطا ... قدمت فرش وغطا
وجمايلى مر طر طه .... وربيت لك عيالك
ولا كنت شكاية ولا متنططة
كنت شايلاك فى عيونى..ويامه الناس لامونى
وحاولوا يفهمونى ....ان حبى ...كتير عليك
وانا اكذب فى ظنونى
رغم ما بيك من عيوب..كنت فى حبك بادوب
عمرى ..مافكرت اتوب ..، لامرة وزنت حبك
ولا عندى ميزان قلوب
كنت فاكراك شمس ليه..وضى قمر لياليه
تيجى تتشطر عليه ؟!..شىء فظيع انك تبيع
ترمى حبى ف بحر مية
بكرة ....تقر بخيرى....لمّا .. تتعرف بغيرى
انا حاواجه مصيرى ... واخفى عنك خط سيرى
وامشى وانا...مرتاح ضميرى!
من (يوميات امرأة مصدومة ) ___ للد . عبدالله منصور
(مجلة عشاق الشعر)(1)(ممدوح حنفي)
ساحة النقاش