ودا حال الدنيا يا صاحبي..
وتضمك لما تغرب..*
.....................
معموله بشكل عجيب..*
قدام الكاميرا عريسها..
تلاقيك في الصوره غريب..*
مقسومه لغيرك دايما..
وملكش فيها نصيب..*
....................
ودا حال الدنيا يا #صاحبي...
متغرب لجل العيشه..*
غلبان وفقير قوي دقه..*
تكنس تمسح بالخيشه..*
صورتك مع أهل خطيبتك..
علي قد الحال قوي طيشه..*
يخطفها أبن الّلعيبه ..
علي راسه شايل ريشه..*
تزعل.....هيجيلك سكر...
وفيوذك تلسع منك........
وتكهرب زي الفيشه..*
....................
ودا حال الدنيا يا #صاحبي...
ودا حال الدنيا معايا..
سقياني المر كاسات..*
الحزن سنين وشهور..
والفرح يدوب لحظات..*
...............
حتي أما بنضحك حبه..
تسمع صاحبك بيقولك..
اللهم أجعله خير..*
وتلاقي عينينا تدّمع..
والفرحه تموت جوانا..
أصلها من حق الغير..*
..............
أما أحنا نصيبنا بكانا..
مبنرتحش الا معاه..*
لو راح للناس التانيه..
بنروح علطول وياه..*
.......................
ودا حال الدنيا يا #صاحبي...
يوم ضحك ويوم م التاني..*
أما أحنا يوماتي تملي..
عطيالنا الوش التاني..*
.............
أحلف وأبصم بالعشره..
أي المخاليق لو حشره..
ليها في الدنيا لزوم..*
أما أحنا لزومنا يدوب
مركوب.....يشتال في هموم..*
زي حمار في التكعيبه..
شايل......لكن محروم..*
.........................
ودا حال الدنيا يا #صاحبي...
كل الناس فيها #بتجمع..
واللي معاه دايما يطمع..
أما أحنا نصيبنا #القسمه..*
كام علي كام يطلع كام..
والباقي نصيبنا وقسمه..*
...............
وان جينا نقول اشمعنا..
#الطرح مكان الفرح..*
#الضرب يقوم يوجعنا..
وميبقاش غير الجرح..*
............................
ودا حال الدنيا يا #صاحبي...
محتار وياكي يا دنيا..
بسأل امتا تصلحيني..؟؟
مذنب هأستغفر ربي..
لو يغفر ...هتسمحيني..؟؟
لو سمعاني....
لتردي..!!
لعشان خاطري انسيني...*
...........
#ودا_حال_الدنيا_معايا..
...................
#سمير_شومان
ساحة النقاش