الكاتب والمخرج /تامر جلهوم.

صورة من واقع الحياة ومشهد لن تراه العين غير فى بلدى فترى تزاحم المواطنون للحصول على«شهادة فقر» للإعفاء من الرسوم المدرسية في المنيا وسبحان الله فى نفس الصورة يوجد محل مقفول مكتوب عليه ((فرحة ))وكأن الفرحة مقفولة فى وشوش الغلابة فالفقراء ليس لهم غير الله ....!!!.
ووزيرة التضامن فى ملكوت تانى ...!!.تلغى سفرها للندن إعتراضا على حجز مقعدها ضمن فئة "الاقتصادى" وحجزها على نفقة الدولة فى مقعد بزنس كلاس.
وسؤالى الاَن ؟؟ !!ياترى وزيرة التضامن الإجتماعى مشفتش المنظر ده قبل سفرها إلى لندن ....!
فعندما تابعت هذه الأحداث والفرق بين تلك الحالتين تعجبت ..!من ناس بتسعى علشان تجيب ((شهادة فقر)) للإعفاء من الرسوم الدراسية وبدل ما الوزيرة تقف معاهم وتساعدهم راحت لغت رحلة الطيران علشان فئة ((الإقتصادى )) حينها تذكرت كلمات أستاذنا الشاعر الكبير سيد حجاب فى مسلسل ((الوسية )) وهو يقول :اَه يا زمن معيوب يا أيام سفيهة .. يا دنيا مقلوبة عليها في واطيها .. بقي يسرقونا و يتهمونا أحنا فيها .. و غفيرها حراميها و كبيرها خاطيها .. الأغراب بياكلوا لحمنا و يحرمونا .. و بيشربوا من سيل عرقنا و دمانا .. نهوى بكرباج يهوي بيقومونا .. و أزاي نقوم و همومنا دي مكومانا .
فعندما رأيت هذا المشهد بكيت حزناً على بلدى وقلت فى ذهنى الله يلعنك ثورة ويلعن اللى فكرها هتتعدل ولا هيكون للشهيد وفاء . يلعن أبوكى أرض سالت عليكى دماء النبلاء . يلعن كل فاجر فاكر حزن أم الشهيد هيروح هباء . بلعن سنين عشتها ليكى بقول أمى وفاكر هيوصلك نداء . عصابة أتحكمت . قتلت وظلمت . وأخرتها أبتسامة على وجوة الجبناء . أحساس مميت لما أبنك يتقتل . لما حلمك يدفن . لما ضهرك ينحنى من الألم . لما تكرة ألوان العلم . لما تعيش مكسور وكأنك عدم .
هحبك على أية . وأنتى سيقانى المرار . هحبك على أية . وكل شئ فيكى إنتظار . كل الأمال أتحطمت بين أيديكى . حلم السنين ضيعتة بحبى ليكى . وبكل قسوة جرحتى قلب سلمتة ليكى . كدابة مسمينها وطن . لأ وقال بيقولولى . أصبح عليكى . أصبح عليكى وبايدك مجوعانى . وأن شكيت فى يوم تكونى مخونانى . عيزانى جاهل ساكت ومقطع ودانى . يلعن أبوكى أم فاجرة فاكرة مخوفانى . وأن صرخت فيكى فوئى . تقولى بيتحدانى . وتلبسينى تهمتى . أنى أكيد أخوانى . تهت وتاهت منى نفسى وحيرتى مجننانى . فيكى كل شئ موجود والشحاتة فى دمك . دايماً كسفانى . والله كسرتى ضهرى وأتحطمت أركانى . ومهما بكيت لحالك . الدموع ما مكفيانى . كنت فكرك فى يوم أمى . طلعتى عين أمى وطلعتى أم لواحد تانى .